"Xon atlas" ilaji bolıp ótti
Muhammed al-Xorezmiy atındaǵı TITU Nókis filialında Ózbekstan Respublikası shańaraq hám hayal-qızlar komiteti baslaması menen sonday-aq, Joqarı bilimlendiriw, ilim hám innovaciyalar ministrligi tárepinen jámiyetimizdiń belsendi aǵzaları esaplanǵan hayal-qızlarımızdıń milliy kóyleklerinde xalqımızdıń mıń ásirlik ótmishi, úrp-ádet hám dástúrleri sáwlelendirilgen kórinisler jámlengen "Xon atlas" hápteligi sheńberinde ilaj bolıp ótti.
Bul kibi ilajlar filialımızda óz jumıs iskerligin alıp barıp atırǵan bir-birinen gózzal ájapa-qarındaslarımızdıń talǵamı, estetik qaraslarında, ózine tán ózgeshelikleri hám kiyimler jámlenbesinde milliylikti mazmunı jaǵınan bayıtıwı menen áhmiyetli. "Xon atlas" onıń tákirarlanbas kórinisi, reńleri hám naǵısları kórgen kózdi quwantıp, bárshege báhárgi keypiyat baǵıshlaydı.
