Xabarıńız bar, Qaraqalpaqstan Respublikası Joqarı bilimlendiriw, ilim hám innovaciyalar ministrligi delegaciya aǵzaları hàmde filialımız direktor w.w.a. R.I.Oteniyazov házirgi waqıtta Tatarstan Respublikasında xızmet saparında bolıp tur.
Belgilengen Baģdarlama boyınsha oqıw orınları hám olar menen jaqınnan tanısıw maqsetinde Ministr B.T.Kaipbergenov basshılıǵında delegaciya aǵzaları 2-may kúni Tatarstan Respublikası bilimlendiriw hám ilim ministligi Bólim baslıģı L.Mitrofanova menen birge Elabuga ayrıqsha ekonomikalıq zonasına, Bilimlendiriw klasterine hámde Politexnika kolledjine bardı hám Elabuga ayrıqsha ekonomikalıq zonası administraciyası, kolledj direkciyası menen ushırastı.
Bul jerde delegaciya aǵzaları ekonomikalıq zonada islep shıģarıw, oqıw processi, oqıwshılar ushın jaratılǵan imkaniyatlar hámde oqıw labaratoriyaları hám is beriwshileriniń zamagóy oqıw ustaxanaları hámde IT tarawı tiykarında ekonomikalıq zonada ámelge asırılıp atırģan jumıslar menen jaqınnan tanıstı.
