Ózbekstan - ulıwma úyimiz" atamasındaǵı doslıq festivalı dawam etpekte
Búgin Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakultetinde "Ózbekstan - ulıwma úyimiz" atamasındaǵı doslıq festivalı joqarı shólkemleskenlik penen bolıp ótti.
Festivalda filialımızdaǵı bir qansha millet hám xalıqlardıń wákilleri bir shańaraq perzentlerindey awızbirshilikte, tatıwlıqta jasap, túrli tarawlarda tabıslı miynet etip atırǵanı sáwlelendirdi. Búgingi festivalda filial jámááti hám student-jaslarınıń bárshesi óz milliy kiyimlerinde belsene qatnasıp, festivaldı joqarı ruwxta hám awızbirshilikte ótkerdi. Student-jaslar tárepinen tayarlanǵan súwretlew óneri hám qol óneri úlgileri festivalǵa ózgeshe sán berdi. Ilaj dawamında elimiz súygen estrada juldızları doslıqtı óz namalarında jırladı.
