"Qalqan" aǵzaları mártlik maydanında sınaldı.
Ózbekstan Respublikası Jaslar awqamı Qaraqalpaqstan Respublikası Keńesi tárepinen JOO larındaǵı "Qalqan" jámiyetshilik toparları arasında "Turan batırları" áskeriy watansúyiwshilik sport-jarısları bolıp ótti.
Onda Muhammed al-Xorezmiy atındaǵı TITU Nókis filialı Jaslar awqamı jetekshisi hám kewilli student-jaslarınan dúzilgen "Qalqan" toparı aǵzaları da óz belsendiligin kórsetti.
Qatnasıwshılar estafetalıq juwırıw, oq-jay atıw, tir atıw, áskeriy qural jıynaw hám basqada shártler boyınsha óz-ara bellesti.
Bul bellesiwler doslıqtı bekkemlew hám tájiriybe almasıwda úlken járdem bere aldı-desek qátelespegen bolamız.