KOICA (KOREA INTERNATIONAL COOPERATION AGENCY) ҳамкорлигида ТАТУ Нукус филиалида янги марказ ташкил қилинади

Хабарингиз бор жорий йилнинг 26 феврал куни ТАТУ Нукус филиалига Корея халқаро ҳамкорлик агентлиги KOICA (KOREA INTERNATIONAL COOPERATION AGENCY)нинг Ўзбекистондаги ваколатхонасининг волонтёрлик дастури координатори, Ким Ҳен Жонг, менеджер ёрдамчиси Шомирзаев Анвар ва ёш мутахассис Ли Чэ Енг ташриф буюрган еди.
Ташриф доирасида бир қанча ҳамкорлик масалалари мухокама этилди. Айниқса, техник ҳамкорлик ва алмашинувни рағбатлантириш мақсадида Волонтёрлик дастури билан таништириш ва Волонтёрлар таклиф қилишга оид семинар-тренинг кўпчилик Қорақалпоғистонликларда қизиқиш уйғотди.
ТАТУ Нукус филиалида KOICAнинг Ўзбекистондаги ваколатхонасининг волонтёрлик дастури асосида 2019-йилнинг май ойидан бошлаб техник дастурлаш соҳасига оид янги марказ, клуб ташкил қилинади.
Мазкур клубни ташкил қилиш ва волонтёрлик дастурида белгиланган вазифаларни режалаштириш мақсадида ТАТУ Нукус филиалига KOICAнинг волонтёри, Кореялик Lee You Jun ташриф буюрди.
Демак яқин кунларда ТАТУ Нукус филиалида KOICA (KOREA INTERNATIONAL COOPERATION AGENCY)нинг янги волонтёрлик гуруҳи шакилланади.