Усы жылдың 30-апрель күни пайтахтымыздағы Бердак атындагы каракалпак мамлекетлик академиялык музыкалы театрында Өзбекстан Республикасы Жоқары ҳәм орта арнаўлы билимлендириў министрлиги ҳәм Өзбекстан жаслар аўқамы, «Zo’r Tv» каналы менен биргеликте жоқары оқыў орынлары студентлери арасында «Қуўнақлар ҳәм зийреклер» таңлаўы өткерилди. Таңлаўдың аймақлық басқышына Қарақалпақ мәмлекетлик университетиниң «Жайҳун», Нөкис мәмлекетлик педагогикалық институтының «Туран», Ташкент информациялық технологиялар университети Нөкис филиалының «ТАТУ», Өзбекстан мәмлекетлик көркем өнер ҳәм мәденият институты Нөкис филиалының «Пегас шоу», сондай-ақ, биринши мәрте UzKorGas Өзбекстан-Қубла Корея қоспа кәрханасының «Үстирт жулдызлары» командалары қатнасты. 3 шәрттен ибәрат болған таңлаў жуўмағында I орынды «Үстирт жулдызлары» II орынды Нөкис мәмлекетлик педагогикалық институтының «Туран», III орынды Ташкент информациялық технологиялар университети Нөкис филиалының «ТАТУ», Өзбекстан мәмлекетлик көркем өнер ҳәм мәденият институты Нөкис филиалының «Пегас шоу» командалары ийеледи ҳәм кейинги шереклик финал басқышына жоллама алды.
ТИТУ Нөкис филиалы Баспасөз хызмети
Фото автор: Репортёр М.Бекмуратов