Búgin, Tashkent informaciyalıq texnologiyaları universiteti Nókis filialında "Ideathon" startap ideyalar tańlawınıń rásmiy ashılıw keshesi bolıp ótti.
Tańlaw IT Park, Evropada Qáwipsizlik hám birge islesiwshi shólkemi hám TITU Nókis filialı menen birgelikte shólkemlestirilmekte. Tańlawǵa jámi 40 topardan 150 den aslam jaslar dizimnen ótken.
Ashılıw máresiminde TITU Nókis filialı direktorı Batır Qayıpbergenov hám IT Park Qaraqalpaqstan Respublikası filialı direktorı Madiyar Elmuratovlar qatnastı hám bárshe tańlaw qatnasıwshılarına áwmet tiledi.
Bunnan keyin, tańlaw qatnasıwshıları toparlarǵa bólingen halda bar bolǵan mashqala boyınsha ózleriniń joybarları ústinde jumıs alıp bardı.
Esletip ótemiz, tańlaw 13-noyabr kúni de dawam etedi hám sol kúni bárshe toparlar islegen joybarların tóreshiler quramına inám etedi.