Úgit_násiyatlaw_ushırasıwı
Búgin Muhammed al-Xorezmiy atındaǵı TITU Nókis filialı "Kompyuter injiniringi" fakultetinde "Jınayatshılıqtıń aldın alıw boyınsha úgit-násiyatlaw jumısları" atamasında ushırasıw bolıp ótti.
Ilajǵa fakultet Jaslar menen birge islesiw boyınsha dekan orınbasarı Sh.Baymuratov, Ózbekstan Respublikası Bas prokratura akademiyası xızmetkeri A.Esemuratov, Qaraqalpaqstan Respublikası bólim prokurorı R.Djalǵasbaev hám 2-basqısh student-jasları qatnastı.
Úgit-násiyatlaw ushırasıwı dawamında student-jaslarǵa jaslar arasında huqıqbuzarlıq hám jınayatshılıqtıń aldın alıw, olarǵa qarsı imunitet qáliplestiriw, sociallıq tarmaq qáwipleri hám olardan awlaq bolıw jolları boyınsha taraw qánigeleri tárepinen keńnen túsinikler berip ótildi. Ilaj sońında student-jaslar ózlerin qızıqtırǵan sorawlarına juwaplar aldı.
