"Milliy qádiriyatlar seyili" shólkemlestirildi
Áyne kúnlerde respublikamızdaģı bárshe joqarı oqıw orınlarında ádebiy-ruwxıy háptelik sheńberinde "Milliy qádiriyatlar seyili" shólkemlestirilmekte. Háptelik sheńberinde Muhammed al-Xorezmiy atındaǵı TITU Nókis filialı miynet jámááti hám student-jasları qatnasında paytaxtımız Nókis qalasındaǵı "Watansúyiwshilik dem alıw baģı" maydanında seyil bolıp ótti.
"Milliy qádiriyatlar seyili" joqarı shólkemleskenlik penen kóterinki kewil-keypiyatta ótkerildi. Seyilde student-jaslar milliy úrp-ádetlerimizdi hám qádiriyatlarımızdı ózinde sáwlelendirgen kiyimlerdi, taģınshaqlardı taģıp, jıynalģanlarģa milliyligimiz qanshelli dárejede bay ekenligin kórsete aldı. Milliy qádiriyatlarımızdı ózinde jámlegen seyil koncert baǵdarlaması menen dawam etip, bárshege joqarı kewil-keypiyat baģıshladı.
