Búgin filialımızdıń Telekommunikaciya texnologiyaları hám kásiplik tálim fakultetinde “Ádep – ikramlılıq qaǵıydaları, húrmet, tártip – intizam” atamasında sáwbetlesiw keshesi bolıp ótti. Kesheni filialdıń Hayal-qızlar komiteti baslanǵısh shólkemi baslıǵı X.Omarova ashıp berdi hám basqarıp bardı. Keshege bunnan tısqarı fakultet tyutorı Ǵ.Bekbosinova hám 1-3-kurstıń student-qızları qatnastı.
Bunnan gózlengen maqset, student-qızlarımızdıń ádep – ikramı, sóylew mádeniyatı, júris-turısı sıyaqlı táreplerine itibar qaratıw hám olardı jaqsı minez- qulqqa iye qızlar etip tárbiyalawdan ibarat. Sonlıqtan da, keshede qızlarımız tárepinen berilgen hár bir sorawǵa ayrıqsha dıqqat qaratılıp, tolıq juwap berildi.