TITU No’kis filialında tarawg’a tiyisli rawajlang’an sho’lkemler, kompaniyalar ha’m joqarı oqıw orınları menen birge islesiw jaqsı jolg’a qoyılg’an. Ma’kset student jaslardıӊ zamanago’y bilim iyelewi ushın elede qolay sha’ra’yatlar jaratıw, du’nyadag’ı rawajlangan universitetler ta’jiriybelerin almasıw sanaladı.

27-oktyabr ku’ni TITU No’kis filiali oqıtıwshısı Elmurat Babadjanov "Elektron hu’kimet ortalıg’ında xızmetlerdi tan’lawdın’ algoritimikaliq ha’m bag’darlamalıq ta’miyinleniwi" atamasında texnika ilimi boyınsha filosofiya doktori (PHD) ilimiy da’rejesin alıwg’a tiykarlang’an o’z dissertatsiyasın tabısli qorg’adı.

Ilimiy basshısi texnika pa’nleri doktori Axram Nishanov. Ilimiy jumıs maqseti ha’m a’himiyeti sonnan ibarat yag’nıy, ma’mleket penen puqaralar arasındag’i mu’na’sibetlerdi a’piwayılastırıw, elektron ma’mleketlik xızmetler ko’rsetiw ha’m xızmetlerdi intellektuallastırıw arqalı ekonomikaliq-sotsialliq rawajlaniwg’a erisiw. Sonday-aq, informatsiyaliq texnologiyalardan, internetten paydalanıw arqalı elektron hu’kimet sistemasın elede rawajlandırıwg’a bag’darlang’an.

Xabarin'iz bar usi jildin' 22-26- oktyabr ku'nleri Tashkent qalasinda "Innoweek" innovatsiyaliq ideyalar ha'pteligi bolip o'tti. Bul xaliqaraliq ha'ptelikte Qaraqalpaqstan Respublikasinan TITU No'kis filiali student jaslari o'z innovatsiyaliq joybarlari menen belsene qatnasti ha'm olar arasinan David Qonarbaev "Jas innovator" nominatsiyasi boyinsha jen'impaz boldi.

Ha'ptelikte shet el ilimiy innovatsiyaliq oraylari, texnologiyaliq agentlikler, texnopark investitsiyaliq qorlar qatnasti.

-Men bul ha'ptelikte o'zimnin' "Qalpaqsha" atli joybarim menen qatnastim, deydi D.Qonarbaev. -Islep shiqqan joybarimnin a'hmiyetli ta'repi sonda, mektepke shekemgi bilimlendiriw orinlari tarbiyalaniwshilari ingliz tili alipbesin izbe-iz yadlap aliw ha'm u'yreniwde bir qansha qolayliqlarg'a iye. Yag'niy, tu'rli interaktiv usillar arqali jas balalar ingliz tilin u'yrenedi.

Usi jildin' 26-oktyabr sa'nesinde TITU Nokis filiali Telekomunikatsiya texnologiyalari ha'm ka'siplik ta'lim fakulteti student qizlari arasinda filial hayal-qizlar sholkemi ta'repinen"O'zbekstan hayal-qizlarinin' 100 en' jaqsi innovatsiyaliq joybari" II Respublika tan'lawinin' mazmun ma'nisi, nominatsiya qag'iydalari ken' tu'sindirildi.

TITU No’kis filialı Jaslar Awqamı janında du’zilgen «Pida’yı jaslar otryadı» ag’zaları elimizde paxta jıyın terim mapazına o’z u’leslerin qosıp, mobil telefon jen’ip alg’an edi.

Bu’gin usı «Pida’yı jaslar otryadı» ag’zalarının’ baslaması tiykarında No’kis qalası «SHayırlar» ma’ka’n puqaralar jıyınında jasawshı sotsiallıq qollap-quwatlawg’a mu’ta’j jaslarg’a kewilli tu’rde jen’ip alg’an sawg’aların usındı.

A’lbette,jaslarımızdın’ bunday sawaplı isleri ko’pshilik zamanlaslarımızg’a o’rnek bolıwg’a ılayıqlı.