Xalıqaralıq birge islesiw
Zamanagóy bilimlendiriw sistemasında JOO ları arasında ilim hám bilimlendiriw baǵdarları boyınsha birge islesiw rawajlanıwdıń áhmiyetli faktorlarınan esaplanadı.
Usı jıldıń 8-12-aprel kúnleri filialımız "Informaciyalıq texnologiyaları" kafedrası baslıǵı, f.-m.i.k.,doc., joybarlar boyınsha xalıqaralıq ekspert A.Tureniyazova Qazaqstan Respublikası Almata qalasında xizmet saparında bolıp, Al-Farabiy atındaǵı Qazaqstan milliy universiteti (TOP-300 (https://www.topuniversities.com/world-university-rankings?search=kaza)) hámde Abay atındaǵı Qazaqstan milliy pedagogikalıq universitetinde (TOP-1000 (https://www.topuniversities.com/world-university-rankings?search=kaza)) lekciya hámde seminar treningler ótkerdi.
Dáslep, oqıtıwshımız Abay atındaǵı QazMPU inde ilimiy konferensiyaǵa qatnasıp, onnan soń Universitette student-jaslarǵa 20 saat kóleminde (8-12-aprel aralıǵında) lekciya sabaqların ótti.
Xızmet saparınıń ekinshi kúninde, Al-Farabiy atındaǵı QazMU "Geografiya hámde qorshaǵan ortalıqtı basqarıw" fakultetinde "Erasmus+ JOO ları potencialın arttırıw programmasında Ózbekstan hám Qazaqstan universitetleriniń birge islesiw perspektivaları" temasında seminar-trening ótti hámde al-Farabiy universiteti menen birgelikte islengen joybar (Ekoinformatika qánigeligin shólkemlestiriw), joybardıń aldaǵı iskerligi haqqında da sóylesiw jumısları alıp barıldı.
Búgingi kúnde xalıqaralıq JOO ları reytinginde TOP-300 likte jaylasqan al-Farabiy atındaǵı QazMU professor-oqıtıwshılarıda bul sapardan minnetdar ekenligin hámde aldaǵı waqıtta ele de basqa joybarlar boyınsha da birge islesiwge tayar ekenligin bildirdi.
Óz gezeginde, filialımız professor-oqıtıwshılarınıń bunday xalıqaralıq maydanda birge islesiw iskerliginiń joqarı ekenligi filial reytinginiń elede joqarılawına unamlı tásirin tiygiziwi sózsiz.
