Xalıqaralıq birge islesiw
Filialımız oqıtıwshımız Evropa awqamı seminarınıń Ózbekstan boyınsha milliy eksperti
2024-jıl 15-19-aprel kúnleri Evropa tálim fondı (ETF) "DARYA" joybarınıń SCAFFOLD metodın qollaw boyınsha Astana qalasında bir háptelik seminar treningler bolıp ótpekte.
Seminar treningte 15-17-aprel kúnleri aralıǵında Oraylıq Aziya mámleketlerinen kelgen jámi 250 den aslam oqıtıwshılarǵa metodtı qollaw túsinikleri hámde tarqatpa materiallar beriw rejelestirilgen.
Ilajǵa Oraylıq Aziya Mámleketleriniń hár birinen SCAFFOLD metodı boyınsha bir ekspertten mirát etilgen bolsa, Ózbekstan Milliy eksperti esabında biziń filialımız "Informaciyalıq texnologiyalar" kafedrası baslıǵı, doc. A.I.Tureniyazova qatnasıp atır.
Xalıqaralıq maydan da filialımız professor-oqıtıwshılarınıń bunday belsendiligi álbette filial reytingine hámde elede xalıqaralıq fondlar menen tıǵız islesiw, joybarlardı ámelge asırıwda unamlı tásirin tiygiziwi anıq.