Profilaktika jumısları alıp barılmaqta
Muhammed al-Xorezmiy atındaģı TITU Nókis filialı direktorı w.w.a. R.Oteniyazov, Jaslar awqamı jetekshisi Z.Maxsetbaev penen birgelikte filialdaģı student-jaslar arasında «Jınayatshılıqtıń erte aldın alıw» atamasında filial "Qalqan" toparı aģzaları hám Jaslar awqamı koordinatorları menen ushırasıw shólkemlestirdi.
Ushırasıwda R.Oteniyazov student-jaslar arasında ushırasıp atırģan jınayatlar hám olardıń awır aqıbetleri turmıslıq mısallar menen keltirip ótti.
Sonıń menen birge, nızamdı bilmew, jınayat jazasın jeńillestirmeytuģınlıģı, házirgi kúnde jaslar arasında kóp júz berip atırģan jınayatlar túrleri hám de olarģa Jınayat kodeksi boyınsha jaza sharaları haqqında atap ótildi.
Bunday ushırasıwlardı shólkemlestiriwden maqset student-jaslar arasında jınayatshılıqtı boldırmaw, olardıń erte aldın alıwģa lider jaslardıń ornı ayrıqsha ekenligin túsindiriw bolıp esaplanadı.