Xalıqaralıq birge islesiw
Filialımız "Multimedia texnologiyalar" kafedrası baslıǵı PhD. Mahkam Artikbayev Al-Farabiy atındaǵı Qazaqstan Milliy Universitetinde ótkerilgen xalıqaralıq konferenciyaǵa qatnasıp atırǵanlıǵın xabarlaǵan edik.
Xızmet saparı dawamında PhD. M.Artikbayev QazMU professor-oqıtıwshılarına "Quramalı formadaǵı magnit-elastik juqa anizotrop plitalardıń deformaciyalanǵan jaǵdayın matematik modellestiriw" temasında seminar ótti. Seminar Qazaqstanlı professor-oqıtıwshılardı júdá qızıqtırdı hám TITU Nókis filialı "Multimedia texnologiyaları" kafedrası menen QazMU "Kompyuter ilimleri", "Jasalma intellekt hám big data" kafedraları arasında birge islesiw kelisim-shártnamaları dúzildi.
Bul dúzilgen kelisim-shártnamaǵa tiykar filialımız professor-oqıtıwshıları tuwrıdan-tuwrı Al-Farabiy atındaǵı QazMU joqarıda keltirgen kafedralar professor-oqıtıwshıları menen ilimiy, metodikalıq jumıslardı birgelikte alıp barıwları múmkin.
Xızmet saparın juwmaqlaǵan oqıtıwshımız filial direktorı w.w.a., t.i.d., docent R. Oteniyazov atına Al-Farabiy universiteti dekanı atınan berilgen "Alǵısnama" nı, filial Kompyuter injiniringi fakulteti dekanı T.Berdimbetovke bolsa dúzilgen birge islesiw kelisim-shártnamaların tapsırdı.
Xalıqaralıq reytingde joqarı orında turıwshı universitet penen dúzilgen shártnama, álbette keleshekte filialımız professor-oqıtıwshılarına ilimiy hám metodikalıq jumıslardı birgelikte alıp barıwlarında "kópir" wazıypasın atqaradı hám de filialımız ele de alǵa ilgerlewine salmaqlı úles qosadı degen úmittemiz.
