27-mart - Xalıq aralıq teatr kúni!
Búgin Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakulteti kishi májilisler zalında 27-mart - Xalıq aralıq teatr kúni bayramı múnásibeti menen "Teatr xalıq aynası" atamasında ushırasıw keshesi bolıp ótti.
Keshede "Qaraqalpaq kino" agentligi direktorı, kinorejissyor B.Nizamatdinov miymanda boldı hám student-jaslar menen óz miynet jolı, ómir tájiriybeleri menen bólisti. Ushırasıwdı Jaslar menen birge islesiw boyınsha dekan orınbasarı U.Turumbetov ashıp berdi hám alıp bardı. Keshege tyutor Ǵ.Bekbosinova hám de 1-basqısh qaraqalpaq toparları student-jasları qatnastı.
Teatr - tárbiya, mádeniyat, ruwxıylıq hám bilim mákanı. Insan ruwxıy álemin tereklestiriwde teatr kórkem-óneriniń ornı júdá úlken.