Búgin Muhammed al-Xorezmiy atındaǵı TITU Nókis filialında "Jańa turmıs ushın, jańa Ózbekstan ushın!" súreni tiykarında "Máhállede duw-duw gáp" atamasındaģı ruwxıy aģartıwshılıq, mádeniy-muzikalıq ilajı bolıp ótti.
Onda Nókis qalalıq "Shayırlar awılı" MPJ hákim járdemshisi U.Qalillaev miymanda boldı hám de házirgi kúnde jedel pát penen rawajlanıp atırģan mámleketimizde máhállelerdiń tutqan ornı hám tarawlardaģı jańalıqlar haqqında aytıp ótti. Jáne de filialdıń "Ózbek tili hám shet tilleri" kafedrası assistent-oqıtıwshısı B.Qutlımuratov doklad oqıdı hám Jańa Ózbekstannıń baxıtlı perzentleri ushın jaratılģan imkanıyatlar hám olardıń jetiskenlikleri menen maqtanısh etti.
Ilajdı filial oqıw isleri boyınsha direktor orınbasarı X.Seytkamalov basqarıp bardı hám ilajda Kompyuter injiniring fakulteti dekanı orınbasarı Sh.Baymuratov, fakultet tyutorları, 3-kurs student jasları qatnastı.
Ushırasıw keshesi Nókis qalalıq Mádeniyat bólimi qániygeleri atqarıwındaģı koncert dástúri menen dawam etti.
