Búgin Muhammed al-Xorezmiy atındaģı TITU Nókis filialında náwbetten tısqarı filial Ilmiy Keńesi bolıp ótti. Keńesti filial direktorı, t.i.d., professor B.Kaipbergenov ashıp berdi hám alıp bardı.
Keńes kún tártibinde oqıw processine tiyisli máseleler kórip shıģıldı yaģnıy, 2023-2024-oqıw jılındaģı gúzgi semestr nátiyjeleri, fakultetler kesiminde kúndizgi, sırtqı, aralıqtan oqıtıw tálim baģdarlarında tálim alıwshı student-jaslardan neshe payızı Juwmaqlawshı imtixanlardan óte almaģanlıģı hám bul jaģday sebepleri boyınsha maģlıwmatlar alındı hám keńes quram aģzaları menen dodalandı.
Sonday-aq, Keńes quram aģzaları imtixanlar processleri haqqında ózleriniń pikirlerin bildirip, kelesi semestrdaģı oqıw rejeleri menen tanıstırdı.
