Búgin erte tańnan filialımız jámááti aģzaları Xоrezm wálayatına sonıń menen birge, TITU Úrgensh filialına óz-ara tájriybe almasıw maqsetinde saparģa atlandı.
Sapar dawamında Xоrezm wálayatındaģı IT-PARK, Data Center lerge barıp jumısları menen tanısıw hámde TITU Úrgensh filialındaģı innovacion joybarlar, Start-up proektler menen jaqınnan tanısıp, tájriybeler almasıw rejelestirilgen. Sapardıń dáslepki ornı IT-PARK Xorezm filialı boldı.
Filialımız jámááti yaģnıy juwaplı xızmetkerleri IT-PARK Xorezm filialında bolıp, ol jerdegi oqıw xanaları, oqıw kursları hám de IT-PARK Xorezm filialında jaylasqan Uzinfocom kompaniyası jumıs iskerligin, búgingi kúndegi nátiyjeleri hám bul nátiyjelerge erisiw sırları, keleshektegi rejeleri menen tanıstı.
Sonday-aq, IT-PARK Xorezm filialı direktorı hám qániygeleri ol jerdegi rezident kompaniyalar, BPO oraylar, oqıw kursları menen jaqınnan tanıstırdı. Bunnan tısqarı sol jerdegi jaslardıń Start-up joybarları úyrenilip, IT export xızmetler kólemin ele de asırıw ushın birge sheriklikte islesiwler boyınsha kelisimler dúzildi.
_____________________________________________________________________________
Bunnan soń filialımız jámááti Xorezm wálayatındaǵı "DATA" oqıw orayında miymanda boldı. "DATA" oqıw orayındaǵı oqıw kursları, imkaniyatlar menen tanısıp shıqtı.
