DIQQAT, TAŃLAW !
Fotograf hám mobilograflar dıqqatına
Ózbekstan Milliy xabar agentligi - UzA Qurallı Kúshleri shólkemlestirilgenliginiń 31 jıllıģı hámde Watan qorģawshılar kúni múnásibeti menen "Milliy armiyamız - Jańa Ózbekstannıń bekkem qorģanıdur!" atamasında foto hám videorolikler tańlawında qatnasıwģa shaqıradı. Tańlaw siz ushın foto hám video jumıslarıńızdı keń jámiyetshilikke jetkeriwde qolay imkaniyat esaplanadı.
Bunıń ushın siz sońģı 5 jıllıqta ģalaba xabar qurallarında járiyalanģan yáki hesh jerde sáwlelenbegen óz dóretiwshilik jumıslarıńızdı jollawıńız kerek. Dóretiwshilik jumıslarda mámleketimiz Qurallı Kúshleriniń tariyxı hám búginine baylanıslı proceslerdi, áskeriy xızmetkerler turmısı, jaslardı áskeriy watansúyiwshilik ruwxında tárbiyalawģa baylanıslı kórinislerdi sáwlelendiriwi lazım.
Jollanģan fotosúwretler kólemi 3 megabayt(500×3600 piksel hám 300 keńlik)ten kem bolmawı, videorolikler kólemi 300 megabayt (1920×1080 ólshem) hám 3 minuttan aspawı, qısqasha túsinik hám avtor kórsetiliwi shárt.
Jeńimpazlar tóreshiler quramı tárepinen anıqlanıp, hár 2 baģdar boyınsha da 1-, 2- hám 3-orınlar boyınsha qımbatbahalı sawģalar menen sıylıqlanadı.
Dóretiwshilik jumıslar 2023 - jıl 25 - yanvarģa shekem Telegram: (foto) @Shawkat_Tokhirov
(Vidео)@yoqubrej mánzili arqalı qabıl etiledi.