Watan- bul bir ģana sóz insanlar
júreginen úlken orın iyelegen. Watanģa bolģan xızmet hám muhabbat bul hár bir perzenttiń watan aldındaģı wazıypası.
Mine sol qatarda Joldasbayev Bayrambay Dauletbayevich watan aldındaģı wazıypasın orınlaw ushın 2020-jıl Xojeli rayonı 9204 áskeriy bólimine shaqırtırılıp 1 jıl múddetli áskeriy xızmetke qabıllanadı. Xızmeti dawamında kóplep jetiskenliklerge eristi. Áskeriy jarıslarda belsendi qatnasıp sıylı orınlardı iyeledi.
Ásker Bayrambay mámleketlik qáwipsizlik xızmeti shegaralarınan 2021 rezervke bosatılıp, xızmetten qaytadı. Ol jıl dawamında tınımsız miynet etip, oqıp izlenip házirgi kúnde TITU Nókis filialında Telekommunikaciya texnologiyaları hám kásiplik tálim fakultetinde 2-kurs studenti. Bul jerde ol óziniń talapshań student ekenligin kórsetip, jıl studenti hám basqada tańlawlarģa qatnasıp jámiyette óz belsendiligin kórsetti. Studentimizge aldaģı oqıwlarda tabıslar tileymiz.
