QARO'ZBРУСENG

Ushırasıw

Búgin Muhammed al-Xorezmiy atındaģı TITU Nókis filialında "Mámleketimizde sońģı jıllarda ámelge asırılıp atırģan jumıslar, jańalıqlar, ózgerisler hám de Respublikamızda bolıp atırģan siyasiy processlerge baģıshlanģan" ushırasıw bolıp ótti. Ushırasıwģa Ózbekstan Respublikasi Oliy Majlisi Senatınıń komitet baslıģı Batır Mátmuratov Joldasovbaevich hám Nókis qalalıq Ishki isler organları jumısların muwapıqlastırıw basqarması baslıģı polkovnik Zaytov Ziyawatdin Imomatdinovich, TITU Nókis filiali direktorı B.Qaipbergenov, filialdıń direktor orınbasarları, professor-oqıtıwshıları, kafedra baslıqları, bólim baslıqları, jumısshı hám xızmetkerleri qatnastı. Ushırasıwdı filial direktorı B.Qaipbergenov ashıp berdi hám basqarıp bardı. Onda sózge shıqqan Ózbekstan Respublikası Senatı aģzası B.Mátmuratov: Elimizde ámelge asırılıp atırǵan reformalar hám olardıń áhmiyetine toqtaldı. Sonnan Moynaq hám Bozataw rayonları búgin tanıp bolmas dárejede unamlı ózgerisler ámelge asırılģanlıģın maqtanısh penen tilge aldı. Sonday-aq, 1-2-iyul kúnleri júz bergen waqıyalar haqqında sóz etilip, bunday buzģınshı ideyalarģa aldanbawģa, sırtqı kúshlerdiń tásirine isenbewge bársheni sergek bolıwģa shaqırdı.