Búgin Muhammed-al Xorazmiy atındaģı Tashkent informaciyalıq texnologiyaları universiteti Nókis filialında TITU Nókis filiali akademiyalıq liceyi oqıwshılarınıń pitkeriw keshesi bolıp ótti.
Kesheni TITU Nókis filialı direktorı t.i.d., professor B.T.Qaipbergenov ashıp berdi hám bárshe pitkeriwshilerdi búgingi bayram menen qızģın qutlıqlap, olardıń aldaģı kútilgen Joqarı oqıw orınlarına kiriwinde bálent párwazlar tiledi.
Soń, liceydi tabıslı tamamlaģan bir qatar ziyrek oqıwshılar haqqında sóz etilip, olarģa ayrıqsha diplomlar tapsırıldı. Sonday-aq, keshe dawamında bárshe pitkeriwshiler ushın arnawlı sawģalar hám sertifikatlar saltanatlı túrde berildi.
Pitkeriw keshesi licey oqıwshıları tárepinen tayarlanģan ajayıp ayaq-oyınlar hám koncert baģdarlamaları menen juwmaqlandı.