Muhammed al-Xorezmiy atındaǵı TITU Nókis filialınıń 4-kurs studentleri Abdullaev Nietulla hám Maxsetbaev Zaydtıń basshılıǵında paytaxtımızda jaylasqan 2-sanlı mektepte "Robototexnikanıń rawajlanıwı hám onıń házirgi waqıtta qollanılıwı" atamasında sheberlik sabaǵı alıp bardı.
Onda Nókis qalasındaǵı “Aq jaǵıs” máhállesiniń máhálle jetekshisi Xojaniyazov Bekpolat hám usı máhálledegi jetpisten aslam jámlespegen jaslar qatnastı. Bunda filialımız studentleri N. Abdullaev hám Z. Maxsetbaevlar tárepinen ótkerilgen sheberlik sabaqları dawamında máhállenıń jámlespegen jasları aqıllı seyf, robototexnika buyımları, aqıllı úy sıyaqlı qurılmalar menen tanıstı. Sonday-aq, olardı jaratıwda paydalı bolǵan jol-jobalardı alıp, IT tarawı boyınsha ózlerin qızıqtırǵan sorawlarǵa juwap aldı.
Bul kibi sheberlik sabaqlarınıń tez-tezden ótkeriliwi máhálle jaslarınıń bos waqıtların mazmunlı ótkeriw menen birge olardı belgili bir kásipke qaray baǵdarlawda da úlken xızmet atqaradı.