Filialımızda bilim alıp atırģan bir qatar intalı jaslarımız bar. Olardıń ilim hám bilimde erisip atırģan tabısları bizdi quwandıradı. Mine, usınday jaslardıń biri Yesbosinov Arıslanbek hám Kudaynazarova Dilfuza. Olar búgingi kúnde Xalqabad qalasınan "AD education" oqıw orayın ashıp, onda matematika páninen qızıģıwshı jaslardı átirapına jıynadı. 
Orayda jaslarģa bilim beriw menen birge, ózi sıyaqlı teńleslerinde jumıs penen támiynledi. Bul jerde júzden artıq jaslar arnawlı pánler boyınsha tayarlanıp, bilimlerin jetilistirip kelmekte. Jumıs izlep esikpe-esik júrmesten, ózin-ózi bánt etip atırģan bunday isbilermen jaslarģa táseyin qalmay ilaj joq. "Talpınģanģa - tabıs mol" deydi danalarımız. Shınında da, istiń kózin bilip, búgingi zaman menen teń qádem taslap atırģan bul jaslarģa bizde bálent parwazlar tileymiz.