Muhammed al-Xorezmiy atındaǵı TITU Nókis filialında Programmalıq ónimler hám texnikalıq islenbeler atamasında kórgizbe bolıp ótti. Onda filialımızdıń qabıletli, ziyrek studentleri tárepinen tayarlanǵan programmalar, roboto texnika úskeneleri jıynalǵanlar názerine usınıldı.
Sonday-aq kórgizbede birneshe tańlaw jeńimpazları, mámleketlik stipendiya iyeleri ózleriniń jetiskenlikleri menen qatnasıp, qızıǵıwshı jaslarǵa bul baǵdardaǵı bilim hám kónlikpelerin úyretip, jol-jobaların kórsetti.
Usı kórgizbege Muhammed al-Xorezmiy atındaǵı Tashkent informaciyalıq texnologiyalar universiteti finans-ekanomika isleri boyınsha prorektorı Aripjanov Fayzulla Abdullayevich qatnasıp, filial jaslarına óziniń bahalı pikirlerin bildirdi.
Bul kibi IT kórgizbelerdiń tez-tezden shólkemlestiriliwi filialımızda bilim alıp atırǵan studentlerdiń óz kásibine degen ıqlasın oyatıw menen birge bos waqıtların mazmunlı ótkeriwge de xızmet etedi.