Бугунги кунда юртимиздаги пандемия вазиятидан келиб чиқиб Тошкент ахборот технологиялари университетига биринчи курсга ўқишга тавсия этилган талабалар ўзларининг яшаш ҳудудлари бўйича ТАТУ ва унинг 5та филиалларига бориб ҳужжатларни расмийлаштиришлари имкони яратилди.
Яъни талабаликка тавсия этилганлар айнан Тошкентга келишлари шарт эмас. Энди биринчи курсга қабул қилинганлар ҳужжатларни топшириш, шартнома бланкаларини олиш, танишув дарсларида иштирок этиш мақсадида энг яқин филиалимизга ташриф буюришлари мумкин.
Масалан, сурхондарёлик талабамиз ТАТУ Қарши филиалига бориб ҳужжатларни расмийлаштириши мумкин. Андижонлик, наманганлик талабалар эса ТАТУ Фарғона филиалимизга мурожаат қиладилар. Худди шундай Jizzax вилоятидан талабаликка тавсия этилган биринчи курсларимиз энг яқин филиалимиз ТАТУ Самарқанд филиалига мурожаат қилишлари мумкин. Бу бўйича филиал раҳбарларига тегишли кўрсатма ва топшириқлар берилди.
Талабалар билан ишлаш бўйича қуйидаги файлда ҳудудлар кесимида тўлиқ маълумот келтирилган.
