Usi jili 2-oktyabr ku’ni Muhammed al-Xorazmiy atindag’i Tashkent informaciya texnologiyalari universiteti No’kis filialinda o’tkerilgen ijarada turiwshi studentlerdin’ sotsialliq turmisi menen jaqinnan tanisiw maqsetinde ushirasiw keshesi bolip o’tti.
Ilajda Qaraqalpaqstan Respublikasi Ishki isler Ministrligi huquqbuzarliqlar profilaktikasi basqarmasi ag’a inspektori kapitan B.Bayjanov,No’kis qalasi Ishki isler organlari jumislarin muwapiqlastiriwshi basqarmasi 5-sanli IIB baslig’i A.Bekmuratov “Shayirlar awili” ma’ka’n puqaralar jiyini baslig’Ii M.Ta’jimuratov ha’m ma’ka’n puqaralar jiyini turg’inlari, filial professor oqitiwshilari, student jaslar qatnasti.
-“Studentlerdin’ a’sirese ijarada turiwshi jaslardin’ jasaw jag’daylari menen tanisiw sabaqtan tis waqitlarin mazmunli o’tkeriw ha’r birimizdin’ tiykarg’I waziypamiz sanaladi. Soni atap o’tiwimiz orinli ha’rbir ijarada turiwshi student penen u’y iyesi sha’rtnama du’ziwi sha’rt ha’m olarg’a qolay sharayatlar jaratiliwi lazim”-deydi, “Shayirlar awili” ma’ka’n puqaralar jiyini baslig’Ii A.Bekmuratov.
Ushirasiw son’ida student jaslar tiyisli qa’negelerden qiziqtirg’an sorawlarina juwaplar aldi ha’m o’z usinislarin bildirdi.
TITU No’kis filiali janindag’I “Reportyorlar” klubi ag’zasi
Gu’lbahar Nawbetova