2018 jıl 6-iyun kúni saat 15:30da Muhammed Al-Xorezmiy atındaǵı Tashkent informaciyalıq texnologiyaları universiteti Nókis filialında 2017-2018 oqıw jılında filialdıń 4-kurs pitkeriwshileri menen taraw kárxanaları basshıları arasında ushırasıw bolıp ótti. Taraw kárxanaları bolǵan Ózbekstan Respublikası sawda-sanaat palatasınıń Qaraqalpaqstan bólimi, Qaraqalpaqstan Respublikası Mámleketlik salıq basqarması, AK Aloqabank Qaraqalpaqstan bólimi xımzetkerleri qatnastı. Ushırasıwdı filial direktorı B.T.Kaipbergenov alıp bardı. Ushırasıwda tiykarǵı maqset pitkeriwshilerge ajıratılatuǵın imtiyozli kreditler, isbilermenlikti rawajlandırıw hám qanday salıq tólewlerde pitkeriwshilerge jeńilliler bar ekenligin aytıldı.
