Filialimizdin’ Telekommunikaciya texnologiyalari ha’m ka’siplik ta’lim fakulteti u’lken ma’jilisler zalinda “ Jaslar arasinda huqiqbuzarliq ha’m jinayatshiliqtin’ aldin aliw ” atamasinda ila’j o’tkerildi. Ilajg’a tiyisli taraw qa’nigelerinen podpolkovnik S.Nuratdinov, D.Aytekeev ha’m fakultet dekani t.i.d., docent R. O’teniyazov, Jaslar menen islesiw boyinsha dekan orinbasari U. Turumbetov ha’m filialdin’ ba’rshe 1-kurs student- jaslari qatnasti. Onda shig’ip so’ylewshiler jaslar arasinda huqiqbuzarliqlardin’ aldin aliwda ata-ana menen bir qatarda oqitiwshi-ustazlarda ten’dey juwapkershilikti seziniwi, studentlerdin’ bos waqitlarinda neler menen ba’nt ekenligin qadag’alap bariliw kerekligi aytip o’tildi. Sonday-aq, jinayatshiliqlardin’ ko’pshiligi internet tarmaqlari arqali ju’z berip atirg’anlig’in aytip, jaslardi sergek boliwg’a shaqirdi.
