Ilimiy_jetiskenlik
Filialımız oqıtıwshısı texnika ilimleri boyınsha filosofiya doktorı (PhD) ilimiy dárejesin alıw ushın jazılǵan dissertaciya jumısın tabıslı qorǵap shıqtı
Muhammed al-Xorezmiy atındaǵı TITU Nókis filialı "Kompyuter sistemaları" kafedrası oqıtıwshısı X.Kenjaev “Muhammed al-Xorezmiy atındaǵı TITU Nókis filialı” janındaǵı ilimiy dárejeler beriwshi PhD.13/05.05.2023.T.162.01 cifrlı Ilimiy keńesinde 05.01.04 - “Esaplaw mashinaları, kompleksleri hám kompyuter sistemalarınıń matematikalıq hám programmalıq támiynatı” qánigeligi boyınsha “Giltli komponentlerden paydalanǵan halda bir jınslı hújjetlerden maǵlıwmatlardı ajratıp alıwdıń algoritmlik hám programmalıq kompleksi” temasındaǵı texnika ilimleri boyınsha filosofiya doktorı (PhD) ilimiy dárejesin alıw ushın jazılǵan dissertaciya jumısın nátiyjeli qorǵap shıqtı hám keńes aǵzaları tárepinen 100% dawıs jıynap "Texnika ilimleri boyinsha filosofiya doktorı (PhD)" ilimiy dárejesi ushın usınıs etildi.
Álbette, bul tabıs filialımız oqıtıwshısınıń tınımsız ilimiy izlenisleri nátiyjesiniń jemisi esaplanadı.
Óz gezeginde, bul tabıs penen pútkil filial jámáátin, qorǵawdı tabıslı juwmaqlaǵan X.Kenjaevtı shın júrekten qutlıqlaymız!
