Qaraqalpaqstanda texnika ilimleri boyınsha filosofiya doktorı (PhD) ilimiy dárejesi ekewge kóbeydi
Usı jıldıń 19-oktyabr kúni TITU Nókis filialındaǵı Ilimiy keńes jıynalısı bolıp ótti. Jıynalıstı Keńes baslıǵı B.T.Kaipbergenov ashıp berdi hám tolıq basqarıp bardı.
Reje tiykarında kún tártibinde: M.M.Abduǵanievtiń "Biomedicina signalların sanlı qayta islewdiń bólek-polinomial usılları hám programmalıq kompleksi" temasındaǵı 05.01.04 - "Esaplaw mashinaları, kompleksleri hám kompyuter tarmaqlarınıń matematikalıq hám programmalıq támiynatı" qánigeligi boyınsha texnika ilimleri boyınsha filosofiya doktorı (PhD) ilimiy dárejesin alıw dissertaciya jumısı hám Sh.X.Tajibayevtıń "Nominal maǵlıwmatlar fazasında informaciyalıq belgiler toplamın tańlaw algoritmi hám diagnostikalaw informaciyalıq sisteması" atamasındaǵı 05.01.10 "Informaciya alıw sistemaları hám procesleri" qánigeligi boyınsha texnika ilimleri boyınsha filosofiya doktorı (PhD) ilimiy dárejesin alıw ushın tayarlanǵan dissertaciya jumısı jaqlawı bolıp ótti.
Izleniwshiler tárepinen tańlanǵan tema sheńberindegi ilimiy izleniwler prezentaciya etildi hám sol tiykarda jıynalǵanlar tárepinen dissertaciya jumısları bir dawıstan maqullanıp, ilimiy dárejesine múnásip dep tabıldı.
