Seminar trening
Aldın xabar bergenimizdey, TITU Nókis filialınıń bir qatar student-jasları usı jıldıń 4-9-mart kúnleri aralıǵında Tashkent qalası Bostanlıq rayonında jaylasqan Jaslar dem alıw ornında shólkemlestirilgen Wikioromgoh_IV máwsiminde "Wikioromgoh" joybarınıń IV máwsimine belsendi qatnasıp kelgen edi. Búgin joybar qatnasıwshıları filialımız student-jaslarına "Wikioromgoh joybarı" atamasında seminar-trening ótkerdi.
Seminardı filial Jaslar awqamı baslanģısh shólkem jetekshisi Z.Maxsetbaev ashıp berdi hám basqarıp bardı.
Treningte Qaraqalpaqstan Respublikası Wikipediya adminstratorı D.Yóldashev hám "Karyera" klubı aģzaları miymanda boldı.
Onda miymanlar student-jaslardı wikipediya onlayn ensiklopediyasında ózbek tilindegi maqalalar sanın kóbeytiw hám bul arqalı ózbekshe wikipediyanı bayıtıw, sonday-aq, wiki reytingte ózbek tilin joqarı orınlarǵa kóteriw maqsetinde maqalalar jazıp, ózbek tilindegi wikipediyanı bayıtıwǵa óz úlesin qosıwģa shaqırdı.
