"Biznesti rejelestiriw" atamasında seminar-trening
Usı jıldıń 27-mart kúni Ózbekstan Respublikası Sawda-sanaat palatası Qaraqalpaqstan Respublikası basqarması tárepinen biznes baslawǵa qızıǵıwshılıǵı bolǵan student-jaslar ushın seminar-trening shólkemlestirildi.
Seminar-trening dawamında elimizge belgili isbilermenler tárepinen biznes sırları haqqında túsinikler berip ótildi. Házirgi kúnde biznestiń mámleketimizdegi hám dúnya júzindegi tutqan ornı, elimizde bizneske qaratılıp atırǵan itibar haqqında student-jaslar keńnen túsinikke iye boldı. Seminar-treningke Muhammed al-Xorezmiy atındaģı TITU Nókis filialınıń bir qatar bizneske qızıǵıwshı student-jasları qatnasıp, kóplegen bilim hám kónlikpelerge iye boldı.
Biznes - bul jámiyettegi mashqalalardı sheshiw arqalı payda alıw imkaniyatı hám bárqulla óz ústinde islew hám rawajlanıw bolıp tabıladı.