Ullı danıshpan hám tanıqlı alım Abu Rayxan Beruniy tuwılǵanınıń 1050 jıllıǵın xalıqaralıq kólemde keń belgilew haqqında Prezidentimiz tárepinen qarar imzalanǵan edi.
Usıǵan tiykar respublikamızda hám Xorezm wálayatında úsh kún dawamında ullı oyshıl Ábiw Rayxan Beruniy tuwılǵan kúniniń 1050 jıllıǵına baǵıshlanǵan “Ábiw Rayxan Beruniy ilimiy miyrasınıń dúnya iliminiń rawajlanıwındaǵı ornı” atamasında ilimiy-ámeliy konferenciya hám ilimiy-aǵartıwshılıq ilajlar bolıp ótedi.
Ullı danıshpan hám tanıqlı alımnıń 1050 jıllıǵına arnalǵan saltanatlı ilaj Muhammed al-Xorezmiy atındaǵı TITU Nókis filialında da bolıp ótti.
Ilajdı filial direktorınıń orınbasarı R.Óteniyazov alıp bardı. Oǵan Qaraqalpaqstan Respublikası Jazıwshılar awqamı aǵzası R.Otarbaev, QMU professorı B.Qoshanov, filialdıń professor-oqıtıwshıları, bólim xızmetkerleri, tyutorlar hám student-jaslar qatnastı.
Ilaj dawamında Abu Rayxan Beruniydiń bahalı miynetleri haqqında keń túsinikler berildi.