Ózbekstan Respublikası Prezidentiniń 2023-jıl 24-may kúngi PP-76-sanlı Pármanına muwapıq, «Studentlerdiń universal bank kartası» tájiriybe-sınaw joybarın ámelge asırıw maqsetinde usı jıldıń 20-iyul kúni Joqarı bilimlendiriw, ilim hám innovaciyalar ministri I.Abdurahmonov Akcionerlik kommerciyalıq «Aloqabank» Basqarma baslıǵı K.Irisbekova menen ushırastı, dep xabarlaydı edu.uz.
Ushırasıwda «Studentlerdiń universal bank kartası» joybarınıń tiykarǵı maqset hám wazıypaları dodalandı.
Dodalaw barısında studentler bank kartasınan gúwalıq retinde paydalanıwı, sonday-aq, jataqxana, kitapxanalar, sport komplekslerine kiriw, onlayn mikroqarızlardı rásmiylestiriw, amanatlar hám pul ótkermelerdi ámelge asırıw, xalıqaralıq tólem sistemaları menen integraciya etiw hám aralıq bank xızmetleriniń barlıq túrlerinen paydalanıw ushın imkaniyatlar jaratıwǵa kelisip alındı.
Ushırasıw juwmaǵında tárepler «Studentlerdiń universal bank kartası» tájiriybe-sınaw joybarın ámelge asırıw boyınsha qospa qarar imzaladı.