Mámleketimiz bas nızamı bolģan Konstituciyamız jańalanıp, bul boyınsha kóplegen pikir hám usınıslar aldıģa súrilgen. Usı múnásibet penen búgin filialımız "Kompyuter injiniringi" fakultetinde "Filial direkciyası hám student-jaslar" atamasında ushırasıw shólkemlestirildi.
Jıynalģanlarģa fakultet Jaslar menen islesiw boyınsha dekan orınbasarı Sh.Baymuratov, "Ózbek tili hám shet tilleri" kafedrası baslıģı U.Jaksimova hám filial ekinshi bólim baslıģı A.Yusupovlar Konstituciyamızģa kiritilip atırģan ózgeris hám qosımshalardı aytıp, olardıń bizlerdiń turmısımızdı jaqsılawdaģı iyelegen áhmiyetli ornı haqqında aytıp ótti. Ushırasıw dawamında student-jaslar qızıqtırģan sorawlarına juwaplar aldı.
Ilájģa fakultet 3-kurs student-jasları hám tyutor Z.Rametullaevalar qatnastı. Bizde óz gezeginde Konstituciyamızģa engizilip atırģan ózgerislerge biyparq bolmastan, jańa nızamģa dawıs berip, insan huqıqların támiynlewge óz úlesińizdi qosıwģa shaqırıp qalamız.
