Búgin Muhammed al-Xorezmiy atındaģı TITU Nókis filialı májilisler zalında 2022/2023-oqıw jılģı gúzgi semestr juwmaģı, báhárgi semestrge tayarlıq kóriw jumıslarına baģıshlanģan ushırasıw bolıp ótti.
Ushırasıwdı filial direktorı t.i.d., professor B.Kaipbergenov ashıp berdi hám basqarıp bardı. Ol óz sózinde 2023 - jılģa atamanıń beriliwi, bilimlendiriw tarawınıń sapasın elede kúsheytiw, bul baģdarda nátiyjelilikke erisiw boyınsha hár bir jumısshı hám xızmetkerlerdi óz úleslerin qosıwģa shaqırdı.
Sonday-aq, ushırasıw dawamında Jaslar màseleleri hám ruwxıy-aģartıwshılıq isleri boyınsha direktor orınbasarı R.Óteniyazov, direktor másláhátshisi M.Kalievlarda sózge shıģıp, 29-yanvar kúni "Temir jol" MPJ aymaģında júz bergen hádiyseler haqqında toqtalıp, bársheni sergeklikke shaqırdı.
Ushırasıwģa filialdaģı bólimler, oraylar, sektorlar baslıqları hám bárshe texnik xızmetkerler qatnastı. Ushırasıw sońında tıńlawshılar ózleriniń pikir hám usınısların bildirip ótti.
TITU Nókis filialı Baspasóz xızmeti