ТАТУ Нөкис филиалы Республикамызда информациялық технологиялар тараўы бойынша тәлим бериўши бирден-бир тийкарғы жоқары оқыў орны саналады. Бугин бул дәргайда жаңа 2019-2020-оқыў жылы басланды. Сол тийкарда таза оқыў жылын мүнәсип күтип алыў,билимлендириў тараўындағы жаңа басқышларды терең түсиндириў мақсетинде илаж шөлкемлестирилди.
Ташкент информациялық технологиялары университети Нөкис филиалы Беларуссия мəмлекетлик информатика ҳəм радиоэлектроника университети менен биргеликте ашылған қоспа факультетке шəртнама тийкарында (2019/2020 окыў жылына, 1-жыл муддетке) профессор-оқытыўшыларды төмендеги бағдарлар бойынша жумысқа қабыллаў ушын таңлаў жəриялайды!
Усы жылдың 28-август күни Өзбекстан Республикасы ғәрезсизлигиӊ 28 жыллығы мүнәсибети менен Қарақалпақстан Республикасы көлеминде “Уллы бабаларға мүнәсиб даўамшы болайық” сүрени астында I жаслар фестивалы болып өтпекте.
Фестиваль шеңберинде Ташкент информация технологиялары университети Нөкис филиалында Робототехникалар тараўы бойынша семинар-тренинг шөлкемлестирилди.
Хабарыңыз бар, Президентимиз Ш.Мирзиёев тәрепинен белгилеп берилген жас әўладты мәденият, көркем өнер, дене тәрбиясы ҳәм спортқа кеңнен тартыў ҳәм олар арасында китапқумарлықты үгит-нәсиятлаў бойынша белгилеп берген 5 басламасы тийкарында Республикамыздың Мойнақ, Қанлыкөл, Беруний районларында хамде Нокис каласында IT-орайлары шөлкемлестирилмекте.
Алдын хабар берип өткен едик, Мойнақ районында Өзбекстан Республикасы Президентиниң социаллық ҳәм руўхый ағартыўшылық тараўларға тийисли 5 басламасы тийкарында “Future Muynak” хабар технологиялары ҳәм китап оқытыўға үйретиў оқыў орайы ашылыўы режелестирилмекте. Бүгинги күнде орай ушын жаңа бинаның қурылыс ислери әмелге асырылмақта.
