Náwbettegi "Milliy kiyimler kúni" kóterińki keypiyatta bolıp ótpekte
Xabarıńız bar, hár hápteniń juma kúni Milliy kiyimler kúni retinde belgilenip kelinbekte. Búgin Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakulteti tyutorı Ǵ.Bekbosinova basshılıǵında student-jaslar usı kúnge arnap óz milletine say milliy kiyimlerde kelgen.
Quwıshlısı sonda, fakultette tek ǵana student-jaslardı emes, al professor-oqıtıwshılardı da milliy kiyimlerde kórseńiz boladı. Bárshe óz milletine, óz milliyligine tán ráwishte milliy kiyimler kiyip kelgen. Haqıyqatında da, bul kúndi tek ǵana "Milliy kiyimler kúni" dep emes, al milletler aralıq doslıq, tatıwlıq kúni sıpatında da belgilew múmkin.
Sabaq proceslerinde student-jaslardıń milliy kiyimde bolıwı milliy dástúrlerimizdi qádirlew, úrp-ádetlerimizdi húrmetlew hám ózligimizdi kórsetiwge xizmet etedi.