TITU Nókis filialınıń jumısı toqtatıldı degeni filial jabıldı degeni emes!
Mámleketimiz basshısınıń 2025-jıl 24-yanvardaǵı "Nókis mámleketlik texnika universitetin shólkemlestiriw haqqında"ǵı PQ-25-sanlı qararına tiykarlanıp, Nawayı mámleketlik kánshilik hám texnologiyalar universiteti janındaǵı Nókis kánshilik institutı hám Tashkent málimleme texnologiyaları universiteti Nókis filialı negizinde Nókis mámleketlik texnika universiteti shólkemlestirildi.
Itibar beriń, jańa universitet TITU Nókis filialı hám Nókis kánshilik institutı negizinde shólkemlestirilmekte. Yaǵnıy oqıw orınları jabılmaydı, olar óz jumısın universitet sıpatında dawam ettiredi.
Sol qatarda, Nókis mámleketlik texnika universitetinde 2025-2026-oqıw jılı baslanǵanǵa shekem kadrlar buyırtpashılardıń talap hám mútájlikleri jáne xalıqaralıq tán alınǵan shólkemler reytinginde birinshi 300 dizimge kirgen joqarı oqıw orınlarınıń tájiriybesi tiykarında Universitettiń bakalavriat tálim baǵdarları hám magistratura qánigelikleri boyınsha oqıw rejeleri hám baǵdarlamaları belgilengen tártipte islep shıǵıladı hám. Bul joqarı oqıw ornında student-jaslar ushın keń imkaniyatlar jaratıladı.
Solay eken, filialdıń jumısı jańa basqıshqa kóterildi. Jańa universitettiń jumısı bolsa jaqsı jańalıqlarǵa bay bolatuǵınına isenemiz.