Nókis mámleketlik texnika universitetin shólkemlestiriw boyınsha ámeliy háreketler baslandı
Ózbekstan Respublikası Prezidentiniń 2025-jıl 24-yanvardaǵı PQ-25-sanlı "Nókis mámleketlik texnika universitetin shólkemlestiriw haqqında"ǵı qararı hám Ózbekstan Respublikası Joqarı bilimlendiriw, ilim hám innovaciyalar ministriniń 2025-jıl 30-yanvardaǵı "Ózbekstan Respublikası Prezidentiniń "Nókis mámleketlik texnika universitetin shólkemlestiriw haqqında"ǵı 2025-jıl 24-yanvardaǵı PQ-25-sanlı qararınıń orınlanıwın támiyinlew haqqında"ǵı 29-sanlı buyrıǵınıń orınlanıwı boyınsha Nawayı mámleketlik kánshilik hám texnologiyalar universiteti janındaǵı Nókis kánshilik institutı hám Tashkent informaciyalıq texnologiyaları universiteti Nókis filialı negizinde Nókis mámleketlik texnika universitetin shólkemlestiriw ushın ámeliy háreketler baslap jiberildi.
Búgin Muhammad al-Xorezmiy atındaǵı TITU Nókis filialında eki joqarı oqıw ornı juwapkerleri hám Nókis mámleketlik texnika universitetin shólkemlestiriw boyınsha jumısshı topar qatnasıwında keńeytilgen ushırasıw bolıp ótti.
Onda universitetti shólkemlestiriw boyınsha ámelge asırılıwı kerek bolǵan wazıypalar hám olardıń múddetleri, bul baǵdarda itibar qaratılıwı kerek bolǵan baǵdarlarǵa ayrıqsha toqtap ótildi. Wazıypalar boyınsha juwapkerlerge tiyisli tapsırmalar berildi.
Bunnan soń jumısshı topar tárepinen ámeliy háreketler baslandı. Házirgi waqıtta processler qızǵın dawam etpekte.