Filialımızda ótkerilgen ilájda 52 pedagog-oqıtıwshı sertifikat penen sıylıqlandı
Tashkent Axborot texnologiyaları universiteti Nókis filialinda Ózbekstan Respublikası Prezidentiniń «Sanlı xızmetler qamtıp alınıwı hám xızmetin asırıw hámde taraw, tarmaq hám aymaqlardı sanlı transformaciya qılıw is-ilajları haqqında»ǵı qararında «Jaslar ushın «Bir million dástúrshi» joybarınıń logikalıq dawamı bolǵan onlayn platformada oqıw kursların shólkemlestiriw» belgilengen.
Bunda 2023-2024-jıllar dawamında jergilikli byudjet qarjıları esabınan onlayn oqıw platformasında professional kurslardı jolǵa qoyıw hámde «Qaraqalpaqstan Respublikasın kompleks social-ekonomikalıq rawajlandırıw hám xalıqtıń bántligin támiyinlewdiń qosımsha is-ilajları haqqında»ǵı qararınıń ««Coursera» joybarı sheńberinde onlayn platforma arqalı oqıw kursların shólkemlestiriw» jolǵa qoyılǵan.
Reyting tiykarında sertifikat alǵan hár bir rayon hám qaladan úsh mekteptiń informatika páni oqıtıwshıları hám joqarı oqıw orınları pedagog oqıtıwshıların jergilikli byudjet qarjıları esabınan «Málimleme kommunikaciya texnologiyaların engiziw hám sanlastırıw sektorı»nan qánige dizimi qáliplestirilgen bolıp, jámi 52 informatika páni oqıtıwshıları pul sıylıqları menen sıylıqlandı.
Ilajǵa Qaraqalpaqstan Respublikası Joqarǵı Keńesi Komitet baslıǵı M.Atamuratov, Qaraqalpaqstan Respublikası Ministrler Keńesi baslıǵınıń sanlastırıw boyınsha keńesgóyi M.Elmuratov, Muhammed al-Xorezmiy atındaǵı TITU Nókis filialı oqıw isleri boyınsha direktor orınbasarı X.Seytkamalov hám juwaplı wákiller qatnastı.
Sıylıqlaw máresiminde sózge shıqqanlar búgingi kúnde informacion texnologiyalarǵa bolǵan talaptıń kóbeyip atırǵanlıǵı, IT tarawını tolıq iyelegen jaslardı jetilistirip shıǵarıw arqalı Ózbekstan hám jáhán IT bazarın jas kadrlar menen toldırıwdıń áhmiyeti haqqında toqtalıp ótti.
