Filialda Jańa jıl keshesine arnalǵan bayram keshesi bolıp ótti
Búgin Muhammed al-Xorezmiy atındaǵı Tashkent informaciyalıq texnologiyaları universiteti Nókis filialı “Telekommunikaciya texnologiyaları hám kásiplik tálim” fakultetinde Jańa jıl bayramı aldınnan “Rus hám inglis tili” ádebiy keshesi bolıp ótti.
Ilajǵa filial direktorı másláhátshisi J.Djumabekov, filial Hayal-qızlar máseleleri boyınsha direktor másláhátshisi A.Tumaeva, fakultet dekanı PhD B.Fayzullaev, Jaslar máseleleri boyınsha dekan orınbasarı U.Turumbetov, professor-oqıtıwshılar, tyutorlar hám de student-jasları qatnastı.
Sonday-aq, teatrlastırılǵan ádebiy keshe dawamında 1-basqısh student-jasları tárepinen bir qatar ayaq oyınlar, bayram keshesine arnalǵan qosıqlar hám de bir-birinen qızıqlı viktorinalıq oyınlar qatnasıwshılarǵa ózgeshe jańa jıl kewil-keypiyatın baǵıshladı.
