Akademik Sabır Kamalovtıń 100 jıllıǵı belgilendi
Muhammed al-Xorezmiy atındaǵı TITU Nókis filialında Ózbekstan hám Qaraqalpaqstan Respublikalarına miyneti sińgen ilim ǵayretkeri, Berdaq atındaǵı mámleketlik sıylıqtıń laureatı, tariyx ilimleriniń doktorı, professor, Ózbekstan ilimler akademiyasınıń akademigi Sabır Kamalovtıń 100 jıllıǵına arnalǵan "Pidayı tariyxshı hám ilim shólkemlestiriwshisi" atamasındaǵı ushırasıw bolıp ótti.
Ushırasıwdı filial direktorı w.w.a., t.i.d., professor R.Oteniyazov ashıp berdi hám kelgen miymanlarǵa óz minnetdarshılıǵını bildirdi.
Ashıq sáwbet kórinisinde ótken ushırasıwda Ózbekstan ilimler akademiyası Qaraqalpaqstan bólimi Qaraqalpaq gumanitar ilimler ilim izertlew institutı direktorı, tariyx ilimleriniń doktorı M.Qarlibayev, Ózbekstan ilimler akademiyası Qaraqalpaqstan bólimi Qaraqalpaq gumanitar ilimler ilim izertlew institutınıń tariyx bólimi baslıǵı, tariyx ilimleriniń doktorı A.DJumashev, Sabır Kamalovtıń perzentleri, "Araldı hám Ámiwdaryanı qorǵaw awqamı"nıń baslıǵı Y.Kamalov, OOO "YUNITEL" arqa batıs filialınıń bas qánigesi B.Kamalov, filial jámááti hám student-jaslar qatnastı.
Ushırasıwda sózge shıqqanlar Akademik S.Kamalovtıń omir hám ilim jolı, jas awladqa úlgi bolarlıqtay páziyletleri haqqında toqtalp ótti. Sonıń menen bir qatarda tariyxshılar akademiktiń ilimiy jumısları, olardıń áhmiyeti haqqında da paydalı maǵlıwmatlar menen bólisti.
Bul sıyaqlı ushırasıwlardıń ótkeriliwi student-jaslarǵa ilimpazlarımız, olardıń ilimiy jumısları haqqında keń maǵlıwmatqa iye bolıwda jaqınnan járdem bereri sózsiz.
