Filial student-jasları ushın úgit-násiyatlaw ushırasıwı shólkemlestirildi
Usı jıldıń 19-dekabr kúni Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakultetinde "Jaslar arasında huqıqbuzarlıqtıń aldın alıw" atamasında úgit-násiyatlaw ushırasıwı bolıp ótti.
Ilájǵa fakultet dekanı PhD B.Fayzullaev, Filial direktorı másláhátshisi J.Djumabekov, SamVMShBU Nókis filialına biriktirilgen profilaktika inspektorı kapitan Q.Qaypnazarov, dekan orınbasarı U.Turumbetov, tyutorlar hám de 1-basqısh student-jasları qatnastı.
Úgit-násiyatlaw ushırasıwı dawamında búgingi kúnde jaslar arasında kóplep ushırasıp atırǵan huqıqbuzarlıqlar, olardıń nızamda belgilengen juwapkershilikleri haqqında tiyisli taraw qánigelerinen maǵlıwmatlar berildi. Sonday-aq, student-jaslarǵa qısqı dem alıs kúnlerinde qáwipsizlik sharaların kóriw qatań eskertildi. Ótkerilgen ilaj dawamında student-jaslar ózlerin qızıqtırǵan bárshe sorawlarǵa juwaplar aldı.
