Filial student-jasları ushın seminar ushırasıwı shólkemlestirildi
Usı jıldıń 19-dekabr kúni Muhammed al-Xorezmiy atındaǵı TITU Nókis filialı "Telekommunikaciya texnologiyaları hám kásiplik tálim" fakultetinde "Informaciya texnologiyaları hám jaslar" seminar ushırasıwı bolıp ótti.
Ilajdı filial Oqıw isleri boyınsha direktor orınbasarı X.Seytkamalov ashıp berdi hám alıp bardı. Sonday-aq, seminarǵa Sanlı texnoligiyalar ministrligi Qaraqalpaqstan Respublikası sektorı baslıǵı T.Baekeev, Sanlı húkimet joybarların basqarıw orayı qánigesi A.Seitbaev, fakultet dekanı PhD B.Fayzullaev, tyutorlar, 2-basqısh hám de 4-basqısh student-jasları qatnastı.
Seminar ushırasıwı dawamında IT tarawındaǵı jańalıqlar, Qaraqalpaqstandaǵı birden bir IT texnologiyalarına qánigelesken Muhammed al-Xorezmiy atındaǵı TITU Nókis filialı haqqında ayrıqsha atap ótildi. Tiyisli taraw qánigesi tárepinen My.gov.uz birden-bir interaktiv mámleketlik xızmetleri portalı haqqında keńnen túsinikler berildi hám de ondaǵı jaratılǵan imkaniyatlar, qolaylıqlardan durıs paydalanıw jol-jobaları túsindirildi. Student-jaslar ózlerin qızıqtırǵan kóplegen sorawlarǵa juwaplar aldı.
Bul seminar ushırasıwı bir sóz benen jaslarǵa keleshekte óz kásibin durıs tańlap, sol kásibinen kamal tabıwı ushın túrtki beretuǵınday motivaciyalıq ushırasıw bola aldı desek qátelespegen bolamız.
