Filialda "Ashıq esikler kúni" sheńberinde ata-analar menen ushırasıw shólkemlestirildi
Usı jıldıń 16-dekabr kúni Muhammed al-Xorazmiy atındaǵı TITU Nókis filialı "Telekommunikaciya texnologiyaları hám kásiplik tálim" fakultetinde 2024/2025-oqıw jılında "Ashıq esikler kúni" sheńberinde ata-analar ushırasıw keshesi bolıp ótti.
Keshege filial direktorı másláhátshisi J.Djumabekov, fakultet dekanı PhD B.Fayzullaev, fakultet Oqıw isleri boyınsha dekan orınbasarı K.Erejepov, dekan orınbasarı U.Turumbetov, Telekommunikaciya texnologiyaları hám kásiplik tálim fakulteti hayal-qızlar máseleleri boyınsha dekan másláhátshisi F.Sarıkulova, tyutorlar hám de 1-basqısh student-jaslarınıń ata-anaları qatnastı.
Ilaj dawamında ata-analarǵa oqıw dárgayınıń ishki tártip-intizamı, oqıw processleri, kredit modul sisteması haqqında túsinikler berildi. Sonday-aq, jaslardıń bos waqıtların mazmunlı ótkeriwge qaratılǵan filialda iskerlik kórsetip kiyatırǵan dógerekler haqqında maǵlıwmatlar bólisildi.
Ushırasıw keshesi sońında fakultettiń jámiyetlik jumıslarına belsene qatnasıp, basqalarǵa órnek bola alatuǵınday bir qatar student-jaslardıń ata-anaları fakultet dekanatı tárepinen húrmet jarlıqları menen sıylıqlandı.
