Studentlerimiz sırt elde oqıp atırǵan pitkeriwshimiz benen onlayn sáwbetlesti
"Marketing hám studentler ámeliyatı", sonday-aq, "Xalıq aralıq" bólimleri baslaması menen Angliya "Ruskin" universiteti magistrantı, programmist, pitkeriwshimiz A.Murtazayev benen seminar ótkerildi.
Seminardı "Kompyuter injiniringi" fakulteti jaslar menen islesiw máseleleri boyınsha dekan orınbasarı Sh.Baymuratov ashıp berdi.
”Marketing hám studentler ámeliyatı” bólimi baslıǵı Z.Muyatdinova seminar teması hám pitkeriwshimizdi student-jaslarǵa tanıstırıp ótti.
Atabek Murtazaev magistraturadaǵı oqıwı, óz miynet jolı- dunya júzine belgili IT kompaniyalarda jumıs islewi haqqında ayttı ótti. Ol óz sózinde studentler nelerge kóbirek itibar qaratıwı kerek ekenligine, bos waqıtlarda til úyreniw, jaqsı bilim alıwǵa shaqırdı.
Sol menen bir qatarda, Xalıq aralıq bólim qánigeleri Kaypova Aygul ham Kazbekova Elya seminarǵa qatnasqan pitkeriwshilerge sırt ellerde oqıwdı dawam etiw ushın óz másláhátlerin berdi. Ushırasıw dawamında studentler ózlerin qızıqtırǵan sorawlarǵa juwap aldı.
