Docentimiz Tashkent ámeliy pánler universiteti rektorı menen ushırastı
Usı jıldıń 7-dekabr kúni Tashkent ámeliy pánler universitetiniń bas imaratında universitet rektorı Abdusalom Umarovdıń Evropa awqamı EACEA agentliginiń Erasmus+ baǵdarlamasınıń Joqarı bilimlendiriw reformaları eksperti, Muhammed al-Xorezmiy atındaǵı TITU Nókis filialı Informaciya texnologiyaları kafedrası baslıǵı Asiya Tureniyazova menen ushırasıwı bolıp ótti. Ushırasıwda Erasmus+ baǵdarlaması haqqında tolıq maǵlıwmat berildi hám 2025-jıl tańlawında TITU Nókis filialı hám TAFU qatnasıwı múmkin bolǵan joybarlar dodalandı.
Ushırasıwdan keyin professor-oqıtıwshılar ushın ámeliy seminar shólkemlestirildi. Onda Erasmus+ baǵdarlamasınıń joybarları, baǵdarlamanıń tiykarǵı jónelisleri, konsorcium dúziw qaǵıydaları, joybarlardı bahalaw kriteriyaları jáne joybardıń tabıslı bolıwınıń áhmiyetli tárepleri haqqında hár tárepleme usınıslar berildi. Jıynalǵan professor-oqıtıwshılar ózlerin qızıqtırǵan sorawlarına tolıq juwap aldı.
